颱風季節 - 打風落雨窗台漏水好頭痛? 教你6步預防屋企鋁窗滲水?

夏天為大地帶來雨水,又到一年一度颱風季節,每年8月份都有各種大大小小嘅颱風瘋狂吹襲香港,除咗「李氏力場」,另一個熱門話題自然係「鋁窗防護」。仲記得舊年嘅颱風勁到吹爛咗屋企塊鋁窗,打風落雨又窗台漏水搞到好頭痛!今年當然要吸取教訓,睇下點樣做可以更加有效咁降低屋企鋁窗受颱風嘅影響。

首先,我哋了解一下颱風對於玻璃嘅影響,玻璃越大塊,越容易受強風嘅壓力,相對危險程度高好多,仲有大家最興用膠帶貼喺玻璃度,其實咁樣做,反而冇乜效果,安全性有減無增,唔單止因為貼上膠帶後承受更多風壓,仲要令鋁窗整體受力唔均勻,玻璃更加容易碎裂。

其實,颱風中最好嘅防護措施係將窗簾拉落嚟預防玻璃碎裂而彈到周圍都係,打交叉貼牛皮膠紙亦可。記得唔好用單一支撐嘅物體頂住鋁窗:例如木棍或者鐵柱,因為颱風期間氣密窗受力會因為單一物體支撐而變成單一支點,咁樣會令鋁窗更容易因為強風而爆裂。

Step 1 颱風來臨之前,將之前曾經發生過窗台漏水嘅位置,再次詳細檢查。尤其係鋁框接合處、合併材料接合處同鋁框與玻璃嘅接合處呢啲常見嘅漏水點,可以用矽膠或自黏式發泡膠棉,加固以上位置,預防鋁窗滲水。

Step 2 記得將會影響水氣密效果嘅五金配件都重新檢查一次,例如輥輪水平、止風塊、逼塊、膠條等,如果有問題記得要及時調整或替換,以保障窗台滲水不會發生。

Step 3 窗扇接合處用闊嘅膠帶、抹布、黏土或已經剪開一半嘅軟式排水管,先行鋪設喺一啲容易滲漏水嘅地方。

Step 4 疏通窗框上嘅排水窿(如下圖),避免颱風期間強降雨,窗槽內側積水無法及時排出,會隨鋁框嘅變形位置或窗扇接合處倒灌水入室內。

Step 5 降雨時,好多有咁上下樓齡嘅大廈,排水管因為管線設計或者阻塞等問題,而無法即時發揮正常排水功能,令到低樓層嘅住戶陽台容易發生雨水從排水位倒排嘅情況。所以,颱風之前將陽台對除嘅牆面預留一個獨立嘅排水窿,有效避免陽台成為水池,而且避免積水從落地窗窗台滲水入翻室內嘅問題發生。

Step 6 最後係一啲容易忽視嘅細節問題,陽台上容易跌落街嘅物品應該要先收好或諗辦法將佢哋固定,避免物品受颱風吹襲嘅時候撞爛窗框或者玻璃,更加要避免釀成高空襲物。當颱風真係到咗,淡定應對之餘,提前預備好黏土同抹布都係非常有必要嘅。

睇完呢篇文章後唔知對大家鋁窗防護有冇幫助呢?無論如何記得人身安全放第一位,就算真係颱風威力驚人到將屋企嘅鋁窗破壞,都可以搵專業人士整翻,記得定時要檢驗鋁窗呀。

按此購買:ARDEX SN+ 浴室防霉玻璃膠

ardex sn+ sn plus

分享在 facebook
Facebook
分享在 twitter
Twitter
分享在 linkedin
LinkedIn